[A:139b]po yang shin tu mnyes te dad par gyur/ de nas bla ma chen po 'phags pa'i gdung ring bsrel bzhugs pa'i nang rten shel gyi mchod rten chen po bzhengs/ lo lnga'i bar me tog ra bar bzhugs nas shel gyi mchod rten de bzhugs pa'i gnas gtsug lag khang chen po yang bzhengs/ bstan pa'i bya ba rgya cher mdzad nas/ slar bod du gdan bteg ste mdo khams su phebs pa na/ dgung lo nyi shu pa me mo phag gi lo smal po zla ba'i tshes bco brgyad la mdo khams pre maNDal zhes bya bar ngo mtshar ba'i ltas du ma dang bcas sku mya ngan las 'das pa'i tshul bstan to/ /bla ma de la gdung brgyud rin po che chad dogs pas zhu ba nan gyis phul ba na btsun mo gnyis bzhes pa'i rgyal po ji big thi mur gyi sras mo dpal ldan bya ba la sras ma byung nas/ jo mo stag 'bum khab tu bzhes pa las sras ratna bha dra zhes bya ba 'khrungs kyang gzhon nu dgung lo lnga bzhes pa'i dus su sku gshegs te/ de'i dus su yongs su grags pa'i gdung brgyud med pa lta bur gyur nas/ shar pa 'jam dbyangs rin chen rgyal mtshan pas sa skya'i zhal bdag gser thog g.yu thog rnams dang / lha khang chen mo'i gnam rgyan/ mchod cha/ thigs khang la yo ga'i dkyil 'khor grangs med bzhengs pa/ bdag nyid chen pos slob gnyer dbu 'don/ rgyal po'i bla ma la sogs pa mdzad dgos byung ba rnams de dus su byung bar grags te/ de yang zangs tsha bsod nams rgyal mtshan zhes bya ba des btsun mo lnga khab tu bzhes pa la sras lcam sring brgyad 'khrungs pa'i nang nas 'gro mgon phyag na la/ dharma pA la/ de la ratna bha dra