[A:143a]bstan pa'i bya ba 'chad nyan sgom sgrub/ bla ma rnams kyi dus mchod/ dkon mchog gi zhabs tog bu slob lha sde mi sde rnams kyi mgo skyong ran ched gnyer legs par mdzad/ rgyal khams chen po yang chos bzhin du bde bar 'jags/ gdan sa dan du bla ma 'phags pa dang / dharma pA la'i phyi rten bzhugs sa gser thog dang g.yu thog lha khang gi lcags ri la sogs pa yang bdag nyid chen po 'di dang / shar pa rin chen rgyal mtshan pa gnyis kyi sku ring la legs par gzhi bting ste/ mdor na lugs gnyis kyi sgo nas dgung lo zhe lnga nas sku gshegs kyi bar gdan sa'i 'dzin skyong spel gsum mdzad pas de'i dus rang gdan sa pa dpal 'byor rgyas zhes grags la/ de ltar gdan sa bzung nas rje btsun ma sgrol ma'i lung bstan ltar rigs kyi sras kyang shin tu mang ba zhig ste/ de dag kyang dgung lo lnga bcu rtsa gcig yan la byon zhing / sku gsung thugs kyi rten yang mang du bzhengs pas/ bla ma bdag nyid chen po mi dang lha bzo ba yin zhes kyang grags/ de nas dgung lo nga gnyis pa la rab tu byung bsnyen par rdzogs nas/ mtshan a mo gha dhwa dza shrI pA la zhes pa btags/ de ltar mdzad pa rgya chen po mdzad nas/ dgung lo drug cu rtsa gsum pa shing pho byi ba'i lo la gzhi thog gzim khang du bde bar gshegs so zhes stag tshang lo tsA bas mdzad pa'i gdung rabs dang / gtsang byams pa'i gdung rabs dang / bla ma dam pa'i dngos slob shes rab rdo rjes mdzad pa'i gdung rabs dang / gzhan yang gdung rabs che phran mang po zhig las bshad cing /
yang nyi lde