R753: 'dzam gling byang phyogs kyi thub pa'i rgyal tshab chen po dpal ldan sa skya pa'i gdung rabs rin po che ji ltar byon pa'i tshul gyi rnam par thar pa ngo mtshar rin po che'i bang mdzod dgos 'dod kun 'byung / {bod yig glog rdul dpe cha/}

  • Pagination (Witness A): 145b
[A:145b]kun gyi 'gro ba ma lus pa'i don mdzad pa yin pa las/ gdan sa 'di nyid spyi la dbang bsgyur ba ni bdag nyid chen po bzang po dpal zhes yongs la grags pa de yan chad la bshad la/ de nas bla brang go bzhir gyes pa ni/ bdag nyid chen po'i sras ti shrI kun dga' blo gros zhes bya ba des gcung rnams la dam kha rnams dang bla brang kha bzhi so sor bgos te gnang ba nas byung bar bshad pa yin mod/ 'di la stag tshang lo tsA ba dang / nyi lde ba nam mkha' bzang po/ /dpal ldan bla ma dam pa bsod nams rgyal mtshan gyi dngos slob shes rab rdo rje la sogs pa gdung rabs mdzad pa phal cher gyi bla brang go bzhir gyes tshul gong ltar yin pa bshad kyang / bla brang kha bzhi'i gdung rabs byon tshul so sor sde tshan ma bcad par/ kun bsres nas bshad pas/ bla brang so so'i gdung rabs ngos 'dzin pa blo dman pa rnams la cung zad dka' bar snang yang / rje btsun sa skya pa'i bstan 'dzin ngor rdzong gnyis kyi nang nas/ rdzong lugs kyi bstan pa'i gsal byed dam pa mkhas pa'i dbang po gtsang byams pa rdo rje rgyal mtshan gyis mdzad pa'i gdung rabs las/ sa skya spyi la dbang ba'i gdung rab byon tshul skabs gcig bla brang bzhi'i gdung rabs rnams byon tshul la skabs re re ste/ skabs lngar phye nas shin tu rtogs sla zhing brjod bde ba dang / khyad par du rgyal ba gnyis pa dpal ldan sa skya pa'i bstan pa'i gsal byed dam pa/ shes bya'i gnas ma lus pa thugs su chud pas/ 'chad pa dang / rtsod pa dang / rtsom pa la sogs pa mkhas pa'i bya ba gang la yang thogs pa mi mnga' ba'i mkhyen rab