[A:145a]nas mdor bstan pa dang / de'i don rgyas par bshad pa gnyis las/ dang po ni sa skya pa'i gdung rabs ya rabs kha rgyan las/ bdag nyid chen po byon tshul bshad pa'i rjes de ma thag tu/ gang de'i btsun mo dang po rgyal po'i lcam/ /mu da gan gyi sras ni bsod nams bzang / /de dang dpon mo buddha gan gyi sras/ /ratna shrI yang gzhon nu'i dus su gshegs/ /btsun mo gnyis pa mang mkhar sogs spe ma/ /ngang mo'i sras ni ti shrI kun blo yin/ /btsun mo gsum pa glang mtsho'i na spe ma/ /nam mkha' rgyal mor grags la sras gsum ste/ /mkhas btsun chen po nam mkha' legs pa dang / /nam mkha' bshes gnyen gu shrI nam rgyal lo/ /mkhas btsun chen po'i btsun mo khang gsar ma/ /dge 'dun 'bum la ta dben kun rin 'khrungs/ /kun rin btsun mo nyi thog nam pa'i sras/ /slob dpon chen po blo gros rgyal mtshan yin/ /gnyis pa mnyam med dbon mo dge ma'i sras/ /slob dpon chen po grags pa blo gros dang / /gcung po kun dga' blo gros rgyal mtshan no/ /blo gros rgyal mtshan btsun mo sa skya ma/ /rgyal mo skyid sras kun dga' dbang phyug ste/ /grags pa blo gros btsun mo brag dkar ma'i/ /sras mchog blo gros dbang phyug gzhi thog pa'o/ /zhes so/ /
gnyis pa de'i don rgyas par bshad pa ni/ spyir rje btsun sa skya pa'i gdung rabs rin po che 'di nyid dang po gnam lha mched gsum lha las babs pa nas bzung deng sang gi bar du rgyun ma chad par byon nas/ dbus gtsang mnga' ris rgya hor la sogs pa yangs pa'i rgyal khams chen por