R753: 'dzam gling byang phyogs kyi thub pa'i rgyal tshab chen po dpal ldan sa skya pa'i gdung rabs rin po che ji ltar byon pa'i tshul gyi rnam par thar pa ngo mtshar rin po che'i bang mdzod dgos 'dod kun 'byung / {bod yig glog rdul dpe cha/}

  • Pagination (Witness A): 146a
[A:146a]rgyal ba nyid dang mtshungs pa'i thams cad mkhyen pa dkon mchog lhun grub ces snyan pa'i ba dan dkar po srid pa gsum na g.yo ba des mdzad pa'i rje btsun sa skya pa'i gdung rabs ya rabs kha rgyan las kyang / bla brang so so'i gdung rabs rnams sde tshan so sor bcad nas 'byung bas/ des na de nyid las go rim ji ltar 'byung pa ltar 'dir rim pa bzhin du brjod pa ni 'di lta ste/ tii shri kun blo/ de yang bdag nyid chen po 'di la chos kyi rgyal po 'phags pas lung bstan pa dang / rje btsun ma sgrol mas kyang lung bstan bzhin sras du ma zhig 'khrungs te/ 'di'i rgyal po'i gdung brgyud spel cig pa'i lung phebs nas khab tu btsun mo drug dang / de'i sngon du sman rtse zhes bya ba'i yul du rgya mo gcig ste bdun bzhes pa las/ sman rtse ma la sras gcig 'khrungs pa gzhon nu nas sku gshegs/ khab tu bzhes pa'i btsun mo drug gi dang po rgyal po'i lcam mu da gan bya ba la sras dbang bsod nams bzang po lcam sring gnyis 'khrungs pa'i/ dbang bsod nams bzang po 'dis gzhon nu nas rgya yul du byon nas/ rgyal po yu ba tas sa'i len dbang gi mtshan gsol/ dpon mo buddha gan btsun mor gnang ste/ btsun mo de la mdo khams su shing byi'i lo ratna bha dra zhes bya ba sras su 'khrungs te gzhon nu la mdo khams su gshegs/ de las gdung brgyud rim par brgyud pa ma byung la/ phyis kyi gdung rabs mdzad pa po kha cig gis dpon mo buddha gan bdag nyid chen po rang gi btsun mo yin pa lta bu zhig mdzad 'dug kyang / ya rabs kha rgyan las/ mu da gan gyi sras ni bsod nams