[A:149b]bya ba 'chad nyan sgom gsum dang / rgyal ba'i sku gsung thugs kyi rten bzhengs pa la sogs mdzad pa 'phrin las rgya chen po zhig mdzad cing / khyad par byang pa bdag po ta dben pas gdan sa chen por zhabs 'dren tshabs ches pa la brten de la dmigs pa'i gur gyi mgon po'i 'bur sku lcam dral las mkhan dang bcas pa dang / mgon po rkyang pa'i 'chams sku rnams bzhengs nas rab gnas mdzad pa dang du mtshungs par/ byang pa ta dben pa mngon sum du tshar bcad pa sogs chos skyong rnams la mi la mis lab pa'i tshul gyis mthu stobs thogs med mnga'/ dgung lo so dgu pa chu mo lug gi lo zla ba dgu pa'i tshes brgyad la gzhi thog gzim khang du bde bar gshegs so/ /'di'i gcung che ba bla ma nam mkha' bshes gnyen du grags pa ni gzhon nu nas sku gshegs/
chung ba gu shrI nam mkha' rgyal mtshan dpal bzang po/ yab bdag nyid chen po dgung lo lnga bcu nga gcig pa chu pho byi ba'i lo la sku 'khrungs te/ gung ru shes rin la sogs pa bsten nas thugs sbyong mdzad pas gzhon nu la yab kyi chos thams cad thugs la chud nas/ tshogs chos yang mang du gsungs pas snyan grags che bar yod pa na/ gong nas gdan 'dren 'byung ste chag phebs/ mi'i dbang po gong ma'i bla mchod mdzad de/ bstan pa'i bya ba rgya chen po zhig bsgrubs nas dgung lo nyi shu pa la rgyal po'i pho brang dang nye ba'i sa'i cha me tog ra ba zhes bya bar sku gshegs so/ /des na bdag nyid chen po'i btsun mo nam mkha' rgyal mor grags pa 'di la sras gsum 'khrungs pa yin zhing / yang stag tshang gdung