[A:151a]chos bka' yang mang du gsan/ de nas ta'i si tu'i chag phyi byas nas khyi lo gdan sa chen po 'dir phebs te/ gong ma yon mchod chen pos bla ma 'di nyid la kun ting gu shrI'i mtshan dang shel dam che ba/ dngul dam che ba sogs gnang nas/ bla ma 'phags pa'i gdan sa gzhi thog gi go sar bskos nas/ bdag nyid chen po 'dis kyang tshogs chen por snga chos la rtsa rgyud brtag gnyis kyi bshad bka' dang / dro chos la dam pa'i chos mngon pa mdzod/ thub pa dgongs gsal dang / dgongs chos la tshad ma'i bstan bcos chen po rnam 'grel gyi bshad pa dang / bdag nyid chen po sa paN gyis mdzad pa'i tshad ma rigs pa'i gter gsungs te/ chos dung nyin re la thang lnga lnga 'bud ces grags shing / de'i skabs su gong nas thi ling skya ho si ta dben gu shrI'i mtshan/ dam kha chen mo tho shu dang bcas pa gnang zhing / gzhan yang bstan 'gro'i don rgya chen po zhig mdzad pas gdan sa'i tshogs chos gsung ba yang gdung brgyud rnams kyi nang nas bla ma 'di rang yun ring zhing / gdan sa yang lo mang po'i bar du mdzad de/ /de nas dgung lo re gcig pa sa mo yos kyi lo zla ba drug pa'i tshes gnyis la sku gshegs shing / gnas ni chu mig dpal gyi bde chen du gshegs zhes gtsang byams pa'i gdung rabs las bshad la/ stag tshang gdung rabs las ni bla brang gzhi thog nyid du gshegs par yang bshad do/ /de lta bu'i bla ma ta dben kun rin du grags pa des btsun mo gnyis khab tu bzhes pa las/ btsun mo snga ma bla brang nyi thog pa'i bu sring ma/ ma gcig nam ba