[A:151b]zhes bya ba la slob dpon chen po gu shrI blo gros rgyal mtshan zhes bya ba me pho rta'i lo zla ba bzhi pa la gzhi thog bla brang du 'khrungs te/ chos rje bla ma dam pa'i drung du rab tu byung / yab mes kyi chos rnams la sbyangs pa rgya cher mdzad nas/ chos dung dkar po rgyang grags su grags pa bus te tshogs chen por chos kyi dga' ston mang du mdzad cing / gdan sa bka' bgros pa'i gtso bo bdag po gzhi thog par mtshan gsol/ gzhi thog gi go sar bzhugs nas bstan pa'i bya ba rgya cher mdzad de/ dgung lo lnga bcu nga lnga bzhes pa lcags pho byi ba'i lo la sku gshegs so zhes mus srad pa rdo rje rgyal mtshan gyis bshad/ stag tshang lo tsA bas dgung lo lnga bcu las ma bzhugs par yang bshad do/ /
grags pa blo gros/
yang ta dben kun rin gyi btsun mo phyi ma/ brang mo che'i bla ma mnyam med par grags pa de'i dbon mo ma gcig dge ma zhes bya ba la sras lcam sring gsum 'khrungs pa'i gcen slob dpon chen po grags pa blo gros zhes bya ba me mo lug gi lo la chu mig tu sku bltams nas/ dpal ldan bla ma dam pa bsod nams rgyal mtshan dang / bla ma mnyam med pa'i drung du rab tu byung ste/ de gnyis dang bdag po bla ma rnams kyi drung du yab mes kyi chos rnams la gsan sbyong cher mdzad pas shin tu mkhas par mkhyen cing shab smad dang chu mig sogs su gtso cher bzhugs/ chos skyong che chung gnyis char la shin tu mnga' brnyes pas/ chos skyong 'di gnyis kyi gdams ngag bod na bzhugs tshad 'di la bzhugs shing / stag tshang lo tsA bas 'di'i drung du chos skyong che chung gi gdams ngag kun thob par lo tsA ba