[A:152a]rang gis bshad pas/ slob ma'i tshogs kyang du ma bskrun par nges shing / de ltar bstan pa'i bya ba rgya chen po zhig mdzad nas dgung lo don gcig pa sa sbrul gyi lo la gshegs zhes stag tshang lo tsA bas bshad/ yang gtsang byams pa rdo rje rgyal mtshan gyis dgung lo brgyad cu pa me pho stag gi lo la gshegs zhes kyang bshad pas/ gang ltar yang rje btsun sa skya pa'i gdung brgyud rnams kyi nang nas bla ma 'di dang / theg chen rin po che kun dga' bkra shis gnyis sku tshe mthar phyin pa byung ba yin no/ /de'i gcung slob dpon chen po kun dga' blo gros rgyal mtshan dpal bzang po ni skyes stobs kyi blo gros phun sum tshogs shing / tshogs chen mor che 'don kyang mdzad/ tshogs chos kyang gsungs pas kun ngo mtshar ba zhig byung yang sku gzhon nu la zhi bar gshegs shing / slob dpon chen po grags pa blo gros pa lcam sring gsum byung pa'i lcam de ni chung ngu la shab smad du gshegs zhes bshad do/ /yang ta dben kun rin gyis btsun mo gnyis bzhes pa'i phyi ma'i sras gcung grags pa blo gros dang / snga ma'i sras gcen blo gros rgyal mtshan gnyis kyis btsun mo re re bzhes pa'i gcen gyi btsun mo yul sa skya ma/ ming ma gcig rgyal mo skyid ces bya ba la sras slob dpon chen po kun dga' dbang phyug ces bya ba sa pho khyi'i lo la bltams nas gzhon nu nas yab chos la gsan sbyong mdzad pas tshegs med du mkhyen cing / rgyal mkhar rtse pas zhabs tog dbu 'don sogs mdzad nas gzhi thog gdan sar bskos/ thugs dam shin tu 'phel zhing mthu dang nus pa'i