[A:174b]ba phra mo dang bcas pa/ sdon chad sus kyang mthong ma myong ba'i ngo mtshar ba du ma zhig byung ba skye bo kun gyis mngon sum du mthong bar gyur ces kyang grags shing / de nas dbu thod ril bu nang rten byams pa'i sku chen po'i nang du bzhugs su gsol te byin rlabs kyi gzi 'od 'bar bas thugs kar mar sbyar ba na de ma thag 'ju ba la sogs pa yid ches kyi gnas su gyur pa lha mi'i mchod pa'i rten du deng sang yang rin chen sgang na bzhugs pa 'di yin zhing / de lta bu'i dpal ldan bla ma dam pa bsod nams rgyal mtshan zhes yongs su grags pa 'di'i gzhi thog gi go sar bzhugs nas gdan sa yang lo mang du mdzad cing / 'di nyid dgung lo drug cu re bzhi pa shing mo yos lo la gshegs pa yin par/ de nyid kyi dngos slob lo chen byang chub rtse mo dang / karma byams chos pa byang chub rgyal mtshan/ bla ma dpal ldan tshul khrims rnams kyis mdzad pa'i rnam thar rnams dang / gzhan yang nyi lde gdung rabs/ gtsang byams pa'i gdung rabs/ shes rab rdo rjes mdzad pa'i gdung rabs sogs phal che ba las bshad cing / stag tshang lo tsA ba shes rab rin chen rgyal mtshan gyis mdzad pa'i gdung rabs las/ re gsum pa lcags mo yos lo la gshegs par bshad mod kyang / drug cu re bzhi pa la gshegs pa rnam thar phal che ba mthun pas/ stag tshang pas 'di yi ge ma dag gam snyam mo//de ltar bla ma dam pa 'di ni lung rtogs kyi yon tan dang gzhan phan 'phrin las kyi cha la/ 'phags pa man chad kyi gdung brgyud dang / gang zag gzhan sus kyang 'gran par mi nus pa'i yon