[A:175a]tan dang ldan pas/ ngo mtshar gyi rnam par thar pa yang bsam gyis mi khyab pa zhig mnga' mod/ 'dir ni dam pa'i chos gsan tshul/ gsan nas 'chad nyan gyis gtan la phab tshul sogs lung gi yon tan dang / rtogs pa'i yon tan ji ltar mnga' tshul/ mthar mya ngan las 'da' ba'i dus su ngo mtshar ji ltar byung ba'i tshul rnams bla ma dpal ldan tshul khrims dang / lo chen byang rtse/ karma byams chos sogs kyis mdzad pa'i bdag nyid chen po 'di'i rnam thar las rgyas par 'byung ba'i nang nas rags pa tsam zhig bris pa yin la/ rgyas par rtogs par 'dod na skal ldan blo gsal rnams kyis rnam thar de dag la zhib tu bltas la bdag nyid chen po 'di'i rnam thar gyi rjes su 'jug par bya'o/ /
nyi ma rgyal mtshan nam kun dga' rgyal mtshan/
de lta bu'i bla ma bdag nyid chen po bsod nams rgyal mtshan mched gsum gyi nang nas/ 'jam dbyangs don yod rgyal mtshan gyi btsun mo zha lu ma/ ming yon tan dpal 'bum zhes bya ba la sras nyi ma rgyal mtshan zhes bya ba dang / zla ba rgyal mtshan zhes bya ba mched gnyis 'khrungs pa'i gcen nyi ma rgyal mtshan gzhon nu la gshegs shing /
zla ba rgyal mtshan/
gcung zla ba rgyal mtshan gyis thog mar gdung spel mdzad pas sras lcam sring bzhi 'khrungs nas/ de nas rab tu byung te mtshan kun dga' rgyal mtshan dang / phyis bla chen gyi mtshan gsol nas bla chen kun dga' rgyal mtshan du grags/ de yang bla chen 'di shing pho spre'u'i lo zha lu khang gsar du sku 'khrungs nas/ klog yig sogs tshegs med du mkhyen cing / gzhon nu nas chos rje bla ma bsod nams rgyal