[A:174a]rnams song chen po dge slong bya bas sku'i sta zur nas brten/ dge bshes rgyal bzang gis zhabs drung du 'dug pa na/ 'o da ran byung gsungs nas bzhengs pa'i grabs shig mdzad pa na/ khong rnams kyis ser ma 'dra yong ba lags sam zhus pas/ min nga rang la rgyus shig bdog cog ge ma reg par zhog gsungs nas phyag gnyis thugs kar bsnol ba'i grabs mdzad bzhin pa'i mu nas zhi ba'i dbyings su chos sku'i ngang du bsdu bar mdzad nas sku tshe 'di'i mdzad pa rdzogs par dgongs te/ le lo can rnams brtson 'grus la bskul ba dang / rtag 'dzin can rnams nges 'byung bskyed pa'i phyir du dgung lo drug cu re bzhi bzhes pa shing mo yos kyi lo zla ba drug pa'i nyi shu lnga'i srod yol ba'i dus su ngo mtshar ba'i ltas du ma dang bcas te gzugs kyi sprul pa'i sku de nyid/ bcom ldan 'das mgon po byams pa'i drung dga' ldan chos kyi pho brang du lha'i tshogs dpag tu med pas bsu bas gdan drangs te gshegs pa'i tshul bstan to/ de nas gshegs rdzong gi chos 'khor sogs kyi skabs su yang ngo mtshar ba'i ltas du ma byung bar grags shing / lhag par sku gdung zhugs la zhen pa nam mkha' la 'ja' tshon sna tshogs 'khrigs shing / me tog gi char yang zhag mang du babs te/ dbu thod ril po ma nyams par zhal sa skya phyogs su gzigs nas byon pa dang / de nas gdung gdan sa chen po 'dir gdan drangs te gang du phebs pa'i sar 'ja' tshon 'khrigs shing / lhag par sa skyar phebs pa'i nyin me tog kha dog sna tshogs pa rgya che chung lag pa'i thal mo tsam pa la yu