R753: 'dzam gling byang phyogs kyi thub pa'i rgyal tshab chen po dpal ldan sa skya pa'i gdung rabs rin po che ji ltar byon pa'i tshul gyi rnam par thar pa ngo mtshar rin po che'i bang mdzod dgos 'dod kun 'byung / {bod yig glog rdul dpe cha/}
[A:176b]la/
bdag nyid chen po 'di'i gcung bdag chen zha lu bar grags pa mthu stobs kyi dbang phyug bsod nams rgyal mtshan dpal bzang po zhes bya ba sa pho byi ba'i lo la rin chen sgang bla brang du 'khrungs shing / yab chos la mkhas par sbyangs te mthu stobs nus pa'i pha mthar son nas/ dgung lo bzhi bcu rtsa gsum pa lcags pho rta'i lo la zhi bar gshegs shing /
sras de gnyis dang lcam mo che ba phyag rdor 'bum bya ba dang / chung ba dge ma ste bzhi po de ni bla chen kun dga' rgyal mtshan gyi sras lcam sring bzhi po yin la/ de ltar bzhi'i nang nas 'jam dbyangs nam mkha' rgyal mtshan zhes bya ba des rje btsun sa skya pa'i dpon chen gyi brgyud pa khro mda' ba'i sras mo ma gcig dpal 'byung rgyal mo zhes bya ba de khab tu bzhes pa la/ sras slob dpon ma bsod nams dpal 'dzom/ nam mkha' 'bum/ nam mkha' bzang mo/ slob dpon ma mkha' 'gro 'dzom ste lcam mo bzhi dang / bdag nyid chen po rgya dkar shes rab rgyal mtshan dang / mthu stobs kyi dbang phyug blo gros rgyal mtshan dang lcam sring drug 'khrungs te/
de rnams kyi nang nas rgya dkar shes rab rgyal mtshan dpal bzang po zhes bya ba ni me pho 'brug la sku 'khrungs shing / skyes stobs kyi thugs rab shin tu che ba dang / bshes gnyen dam pa mang po bsten nas yab chos la sbyangs pas phul du phyin pa dgongs nas/ rtsom pa yang ci rigs pa mdzad cing / dgung lo nyer bdun tsam bzhes pa stag lo zla ba dgu pa'i nyer lnga la gdan sa chen po nas gdan bteg ste khams kyi phyogs la phebs te/ bon khyung po stod bya bar 'byor pa na yul