[A:176a]chen po mdzad nas/ dgung lo bdun cu don lnga pa la shab dge sdings chos kyi pho brang chen po de nyid du sku gshegs so/ /yang nyi lde bas don drug pa la gshegs zhes kyang bshad do//
nam mkha' rgyal mtshan/
bla chen kun dga' rgyal mtshan de nyid kyis bsnyen rdzogs ma mdzad gong du ma gcig zha lu ma nam mkha' rgyal mor grags pa khab tu bzhes te sras lcam sring bzhi 'khrungs pa'i che ba bdag chen 'jam dbyangs chen po nam mkha' rgyal mtshan zhes bya ba sa pho stag gi lo la sku 'khrungs pa yin zhing / 'di yang skyes stobs kyi mkhyen rab phun sum tshogs pa mnga' bas 'bri klog la sogs pa tshegs med du mkhyen cing / gdugs gnyis la brtag gnyis thugs su chud/ nyin gcig la 'khor lo bde mchog gi sgrub dkyil thugs su chud pas kun gyis 'jam dbyangs chen por mtshan gsol/ yab bla chen kun dga' rgyal mtshan dang / theg chen chos kyi rgyal po kun dga' bkra shis/ mkhan chen bsod nams rgyal mchog sbas pa'i rnal 'byor pa rdo rje rgyal mtshan sogs bla ma dam pa du ma bsten nas/ yab mes kyi chos la mkhas par sbyangs shing zab don rgya mtsho'i mnga' bdag tu bzhugs te/ slob dpon chen po padma 'byung gnas kyi rnam sprul du yang grags shing / sa skya pa'i bstan srung rnams bran du 'khol nus pa'i mthu stobs kyi mnga' bdag chen por gyur te/ dgung lo bdun bcu rtsa lnga pa chu pho 'brug gi lo la gzhi thog bla brang du bde bar gshegs shing / yang rnam thar 'ga' zhig las me mo glang la sku 'khrungs nas/ bdun cu don drug pa la zhi bar gshegs zhes 'byung