[A:193a]te/ de nas sku drang por bsrangs zhal lhor phyogs pa'i ngang nas rgyud sde rin po che nas gsungs pa'i 'da' kha ma'i rnal 'byor zab mos gsal btab ste dgung lo lnga bcu rtsa gnyis pa shing mo yos kyi lo zla ba bzhi pa'i nyi ma shar dros tsam la gzhi thog bla brang du gzugs kyi sku'i dkyil 'khor chos kyi dbyings bde ba chen po'i ngang du bsdu bar mdzad do/ /de ltar dgongs pa yongs su mya ngan las 'das nas kyang yun ring po'i bar du nam mkha' la 'ja' tshon dang lha'i spos kyi dri ngad khyad par can ldan pa dang / me tog gi char chen po 'bab pa la sogs pa ngo mtshar ba'i ltas bsam gyis mi khyab pa byung zhing / de nas lo 'ga' zhig gi bar du sku gdung rin po che mchod rten gyi snying por bzhugs su gsol nas/ slar yab 'jam dbyangs chen po'i sku gdung dang rje 'di'i sku gdung lhan cig tu bzhu la phul te/ de'i tshe'ang nam mkha' la 'ja' dang / me tog gi char la sogs pa ngo mtshar ba du ma byung zhing / khyad par gdung khang zhal phye ba na/ yab kyi gdung rnams ni gtso bor gdung log 'ba' zhig tu song zhing / lha sku ring bsrel yang thor bur byon/ rje btsun rdo rje 'chang chen po nyid kyi gdung khang gi logs la rdo rje 'chang gi sku mi tshad tsam dang / de'i dpung zur g.yon pa'i 'og tsam du stobs 'phrog nag po'i sku bram gzugs rkang gang tsam rgyan dang skye mched thams cad shin tu gsal ba dung ris las 'khrungs shing / sku gdung rnams la yang lha sku ring bsrel bsam gyis mi khyab pa byon zhes grags so/ /'di dag ni bdag chen rdo rje 'chang chen po blo gros rgyal