[A:212a]bkra shis zhes bya ba chu pho 'brug gi lo la sku 'khrungs shing 'di yang gzhi thog pa kun dga' rin chen pa dang / ma ti paN chen la rab byung zhus te/ chos rje bla ma bsod nams rgyal mtshan sogs dge ba'i bshes gnyen mang po gus pas bsten nas yab chos rnams la sbyangs pa rgya chen po dang / khyad par tshad ma rig pa'i gzhung lugs kyi gtso bo dpal chos kyi grags pa'i rnam 'grel la mkhas pa'i phul du phyin pa mkhyen nas che 'don mdzad cing tshogs chen por tshogs chos kyang mang du gsungs te/ 'chad nyan la sogs bstan pa'i bya ba rgya chen po mdzad pa la brten/ gong nas kyang rgyal po chen pos lung mtshan dam kha dang bcas pa phul zhing / bod du che bar grags shing ngo mtshar ba'i rgyang gi 'bum mo che bzhengs pa la sogs pa mdzad pa rgya chen po zhig mdzad nas/ dgung lo nga drug pa la lhar rtser ngo mtshar ba'i ltas du ma dang bcas te bde bar gshegs so/ /
slob dpon chen po bde legs bkra shis
de ltar ta dben chos kyi rgyal mtshan zhes bya ba la sras sku mched bzhi 'khrungs pa'i nang nas/ bdag chen bsod nams bkra shis dpal bzang po zhes bya bas byang pa gu'i gung chos grags dpal gyi lcam mo ma gcig nam pa zhes bya ba khab tu bzhes pa la sras slob dpon chen po bde legs bkra shis zhes bya ba sa pho byi ba'i lo la 'khrungs te/ grub pa'i mtshan ma brnyes pa zhig byung bar grags shing /
mkhas btsun chen po kun dga' bkra shis/
'dis btsun mo gcig bzhes pa ni byang bdag po'i sras mo ste 'di la sras bsod nams rgyal mtshan bya ba dang / shAkya sengge ba/ don grub rgyal mtshan/ bsam 'grub rgyal mtshan zhes bya ba dang sku mched