[A:214a]khams phyogs kyi sa skya pa'i dgon che chung / grwa bu slob yon bdag dang bcas pa 'di rnams bstan pa ji srid gnas kyi bar du nged rang sa skya pa'i grub mtha' 'dres med skyong ba zhig ma byung na bstan pa mtha' nas 'khum pa zhig byung dogs/ de nyid mi 'byung ba'i phyir 'dab 'dob 'dir sa skya pa'i gdung brgyud rgyun ma chad par 'byon pa zhig mi dgos kha med yod par brten/ bdag chen kun dga' legs pa rang ni gzhon nu rab byung gtsang ma yin pa nas gdung spel sogs gnang stabs ma bde bas/ des na sngags 'chang chos kyi rgyal po'i gdung sras sku mched gang rigs shig 'dab 'dob sogs khams kyi sa skya pa'i sde dgon pa bstan pa dang bcas pa'i zhal bdag mdzad par phebs dgos shing / de bzhin ma gnang na phugs yul rang re sa skya pa'i khams phyogs kyi dgon che chung / grwa pa sbyin bdag sogs thams cad gzhan phyogs kyi grub mtha' 'dzin pa stobs ldan 'ga' zhig gi rjes su 'brangs nas thams cad 'gyur te/ rang re sa skya pa'i khams phyogs kyi bstan pa ming med du song ba zhig byung dogs 'dug pas/ khyed nyan dgongs pa'i nged 'dab 'dob pa dpon slob thugs rtsa nas ma dor ba zhig cis kyang zhu zhes pa'i lan du/ sngags 'chang chos kyi rgyal po dus gsum sgrib med du gzigs pa de nyid kyis bdag chen 'di pa dpon slob rnams la thugs dam gsung shog ma bu 'di bzhin gnang ba yin te/ slob dpon chen po kun dga' legs pa'i drung khyed sku khams snyoms shing 'gro phan rgya chen pos rnam dkar gyi mdzad pa gong 'phel gyi ngang