[A:216b]phyogs su 'phrin las rgya chen po zhig skyong bar mdzad nas/ glang gi lo dbus gtsang du 'jam pa'i dbyangs sku mched gnyis dang / rgyal yum dam pa lha gcig bsod nams rgyal mo sogs mjal bar phebs skabs/ yum bka' drin can de nyid glang lo cho 'phrul zla ba'i tshes bco lnga la glo bur du gshegs nas ma mjal kyang / khams gsum chos kyi rgyal po 'jam mgon mched gnyis sogs zhal ngo bgres gzhon rnams dang dges par mjal nas/ slar yang stag gi lo la khams phyogs su bdag chen 'di'i drung du gdan bteg ste rim gyis phebs pa na 'jam dbyangs mthu stobs dbang phyug nyid 'phrin las rgya ches pas lam bar rnams su phebs 'gor che ba tsam byung ste/ khams kyi sa'i cha spor yid 'ong bya bar phebs pa na/ bdag chen 'di sku khams cung ma bde ba'i gnas tshul rnams gsan nas/ myur bar bdag chen pa 'di'i zhabs drung du phebs te/ zhal mjal skabs rje 'di'i gsung gis/ 'jam dbyangs mthu stobs dbang phyug la/ sngon bdag chen 'jam pa'i dbyangs rin chen rgyal mtshan sku mched kyis bstan pa spyi dang bye brag khyad par rang re sa skya pa'i sde dgon pa mchod gzhis sogs rgya dpangs mi chung tsam khams phyogs 'dir yod pa rnams 'dzin skyong spel gsum mdzad pa'i rgyun bzang po de/ nged rang ngos nas gong 'phel du spyi 'gro'i thabs 'khos byas pa'i lugs yin/ da phyin chad sa skya pa'i khams phyogs kyi bstan pa sde dgon grwa bu slob dang bcas pa'i 'dzin skyong spel gsum ji ltar yong khyed mthu stobs pa la rag las pas khyer kha bskyed dgos