[A:217a]shing / khyad par rang re sa skya pa rigs rus kyis bstan pa 'dzin pa yin pas gdung spel mdzod gsung ba sogs 'di phyir phan pa'i bslab bya mang du mdzad pa yin no zhes thos la/ de ltar mdzad pa 'phrin las rgya chen po zhig mdzad nas/ zhing gzhan du 'byon par nye ba na sa chen po 'di rnam pa drug tu g.yo ba/ nam mkha' nas lha'i rol mo'i sgra grag pa la sogs pa ltas khyad par ba du ma byung bar grags shing / de nas sku mya ngan las 'da' ba'i dus la babs pa na zhabs rdo rje'i dkyil krung dang / phyag g.yas mnyam gzhag g.yon gyis phyag phreng bzung nas lam zab mo bla ma'i rnal 'byor la thugs dam zab mo mdzad pa'i ngang nas/ dgung lo bdun cu don gnyis pa 'brug lo hor zla bdun pa'i nyer lnga'i tshe bde bar gshegs shing / de'i dus su sngon dpal ldan bla ma dam pa bsod nams rgyal mtshan dpal bzang po sku mya ngan las 'da' ba'i tshul bstan pa'i rjes su sku gdung rnams bsam yas nas sa skyar gdan drangs nas gdan sa chen por phebs pa'i nyin lha rnams kyis me tog gi char yu ba can babs pa dang mtshungs par/ lha'i me tog rgya khyon shin tu che zhing kha dog yid du 'ong ba yu ba can gyi char kha ba ltar mngon sum du babs pa der yod skye bo kun gyis mthong ba dang / gzhan yang dbu'i gtsug tor gsal por 'phags pa dang / gsang ba'i gnas sbubs su nub pa la sogs pa ngo mtshar ba'i ltas bsam gyis mi khyab pa zhig byung bar yongs su grags so/ /de rnams kyis lha rigs 'khon sa skya pa ste mtshan mchog gsum dang ldan pa'i gdung