[A:217b]rabs byon tshul las/ gdan sa chen po'i bla brang so sor dbang bsgyur ba'i gdung rabs kyi nang nas/ lha khang bla brang pa'i gdung rabs rin po che byon tshul legs par bstan zin to// //'dir smras pa/ sum rtsen lha khang sa la 'phos 'dra ba'i/ /sprul pa'i lha khang chen po dang nye bar/ /ngo mtshar lha khang gzhal med khang bzang du/ /rim byon lha khang gdung brgyud che rnams rgyal/ /khyad par sa skyong gtsug rgyan theg chen gyi/ /chos kyi 'khor los sgyur ba'i rgyal po che/ /sa skya pa yi bstan pa'i nyi ma de'i/ /rnam thar bsam gyin gus pas phyag bgyi 'o/ /de sogs mkhas btsun bzang po'i yon tan rnams/ /'bad med lhun gyis grub pa'i skyes bu'i mchog /yongs 'dzin dam pa rnams kyi gdul bya'i zhing / /dbus gtsang khams 'di bdag gis dbang 'dus shog /bar skabs kyi tshigs su bcad pa'o// //spyi don bzhi pa dus mchod bla brang pa'i gdung rabs bshad pa la yang / tshigs bcad kyi sgo nas mdor bstan pa dang / de'i don rgyas par bshad pa gnyis las/ dang po ni/ sa skya pa'i gdung rabs ya rabs kha rgyan las/ lha khang bla brang pa'i gdung rabs byon tshul bshad zin ma thag pa'i mjug tu/ bdag nyid chen po'i btsun mo re mda' ma/ /lha gcig nyi ma rin chen zhes bya'i sras/ /gcen po slob dpon chen po nyi ma dpal/ /chung ba kun dga' legs pa'i rgyal mtshan dbang / /kun legs btsun mo ma gcig khang gsar ma/ /dge 'dun 'bum sras bla chen bsod blo dang / /dbang gi mtshan gsol grags pa rgyal mtshan gnyis/ /