[A:218a]grags rgyal btsun mo ma gcig lha rin la/ /slob dpon chen po kun dga' legs blo dang / /rnam sras rgyal mtshan dbang zhes grags pa 'khrungs/ /btsun mo gnyis pa stag tshang sras 'dren sras/ /slob dpon chen po 'jam dbyangs chos rgyal yin/ /rnam sras btsun mo rta nag gru gu'i sras/ /slob dpon chen po kun dga' blo gros te/ /btsun mo gnyis pa ma gcig ya 'brog ma/ /bsod nams 'bum la nam mkha' legs pa 'khrungs/ /nam legs btsun mo ma gcig btsun ma skyid/ /ces bya'i sras ni nam mkha' rgyal mtshan yin/ /nam rgyal btsun mo shangs pa rgyal mo'i sras/ /slob dpon chen po nam mkha' rin chen no/ /btsun mo gnyis pa dpal 'byor bzang mo'i sras/ /dbang gi mtshan gsol nam mkha' bkra shis yin/ /nam mkha' bkra shis btsun mo dma' se bza'/ /ma gcig her mo tshe brtan zhes bya'i sras/ /'jam dbyangs sprul pa kun dga' bsod nams dang / /ngag gi dbang phyug dang ni 'jam dpal grags/ /sangs rgyas tshe brtan bkra shis zhes bya bzhi/ /tshe brtan btsun mo ya 'brog khri lcam sras/ /kun dga' bsam grub ngag dbang kun rin gnyis/ /dus mchod bla brang gdung brgyud rim pa 'o/ /zhes pa ltar ro/ /gnyis pa de'i don rgyas par bshad pa ni/ bla ma bdag nyid chen po'i btsun mo spyi grangs kyi drug pa/ gdung brgyud spel cig pa'i lung phud nas khab tu bzhes pa'i btsun mo lnga pa yul re mda' ma/ pha ming re mda' ba'i rtsed po/ ming lha gcig nyi ma rin chen zhes bya ba la sras lcam sring gsum