[A:218b]'khrungs pa de'i nang nas/
dus mchod bla brang /
nyi ma dpal/
gcen slob dpon chen po nyi ma dpal zhes bya ba dus mchod bla brang du sku 'khrungs mod kyang gzhon nu la gshegs nas bstan pa la phan pa zhig ma byung /
slob dpon ma kun dga' 'bum/
bar ma slob dpon ma kun dga' 'bum zhes bya ba ste 'di ni khab so bkra shis su 'khrungs nas sku nar son pa na mnga' ris gung thang du mnga' bdag ta dben sha'i jo mo mdzad cing / sras slob dpon lha btsun phun tshogs dpal dang / mnga' bdag bzang po lde gnyis byung ba'i lha btsun phun tshogs dpal gyis gdan sa chen po dpal ldan sa skyar lo mang po'i bar du chos 'chad mdzad ces grags shing / de nas dus phyis slob dpon ma des gdan sa chen por phebs pa na dpon chen gzhon dbang pa yab sras kyis bla brang seng ge sgang phyag tu phul nas/ gnas der thugs dam zab mo'i ngang nas sku gshegs so/ /
dbang kun dga' legs pa'i 'byung gnas rgyal mtshan dpal bzang po/
yang lcam sring gsum gyi gcung dbang kun dga' legs pa'i 'byung gnas rgyal mtshan dpal bzang po zhes bya ba ni yab bdag nyid chen po dgung lo zhe bdun pa sa pho spre'u'i lo la gdan sa chen po'i nub phyogs re mda' zhes bya bar sku 'khrungs te/ gzhon nu'i dus su yab chos rnams la sbyangs pa mdzad/ snod ldan gyi gdul bya rnams la dam pa'i chos kyi dga' ston rgya chen po stsal bas/ rgyal po chen po'i lung gis sa'i len dbang gi mtshan dang / gser gyi dam kha chen mo/ shel gyi tho shu dang / thong bying dang ging ri'i khrims ra/ rgyal po rang nyid kyi lcam mo khab tu phul zhing / nyi ma nub phyogs bod chol kha gsum la shes su bcug nas khrims kyi bya ba la mnga' mdzad de/ dgung lo nyi shu rtsa dgu pa me pho