[A:220b]chos mang du gsungs/ chos rje bla ma dam pas rin chen sgang bla brang gi gdan sar bsko bzhag mdzad pas/ bdag nyid chen po 'dis kyang gdan sa bzung nas bstan pa'i bya ba rgya chen po mdzad pa na/ gong nas rgyal pos ta dben gu shrI'i mtshan dang / shel dam chen mo tho shu dang bcas pa stsal zhing / rjes su rta nag skor gyi mchod gzhis rnams kyi zhal bdag mdzad pa'i ring nas/ /dgung lo nyer brgyad pa la rta nag ri khung gzim khang gser khang bya bar ngo mtshar ba'i ltas du ma dang bcas zhi bar gshegs zhes grags la/
dbang rnam sras rgyal mtshan/
bdag nyid chen po de'i gcung dbang rnam sras rgyal mtshan zhes bya ba ni/ yab dbang grags pa rgyal mtshan dgung lo nyer lnga pa lcags pho byi ba'i lo la sku 'khrungs te/ chos rje bla ma dam pa dang / bla chen bsod nams blo gros/ bla ma dpal ldan pa rnams la yab chos mang du gsan nas thugs su chud par mdzad cing / rab tu byung ba'i grabs mdzad skabs/ hor rgyal po tho gan bya bas rang gi sras che ba dang mnyam pa'i las kha/ rwa rtse dbang gi mtshan gser dam/ gser sgor/ dngul sgor/ khrims ra brgyad/ khrims kyi tha sa pa ping cig pa hu shrI/ nyi ma nub phyogs shes su bcug pa'i lung bzang po dang bcas pa stsal/ lugs gnyis kyi 'phrin las rgya chen po mdzad de/ de'i bar mkhas grub kyi bla ma mang du bsten cing / /khyad par jo bo chen po dpal ldan a ti sha'i rnam 'phrul lo chen skyabs mchog dpal la sangs rgyas dngos kyi mos gus mdzad pa dang / gzhan yang gdan sa chen po'i zhabs tog gtsug lag khang dang rten gsum bzhengs