[A:221a]pa/ dge 'dun gyi bsnyen bkur sogs bstan pa rin po che'i bya ba rgya chen po bsgrubs shing / thugs dam la shin tu brtson pa'i ngang nas dgung lo zhe dgu pa sa pho byi ba'i lo hor zla bzhi pa'i nyer bzhi la ngo mtshar ba'i ltas du ma dang bcas te smon mkhar rtse gdong lhun po rtse'i gnas mchog tu zhi bar gshegs shing /
bdag chen chos kyi rgyal mtshan/
yang dbang grags pa rgyal mtshan gyi btsun mo gnyis pa stag tshang ba'i ma gcig sras 'dren zhes bya ba la sa mo phag gi lo bdag chen chos kyi rgyal mtshan zhes bya ba 'khrungs nas/ gzhon nu'i dus su yab chos kyi chos rnams dang / gzhan yang phar phyin/ mngon pa/ tshad ma/ gsang sngags gsar rnying / khyad par dus kyi 'khor lo la sogs mdor na dpal ldan bla ma dam pa nyid la bzhugs pa rnams bum pa gang byo'i tshul du gsan nas thugs su chud pas/ dpal ldan bla ma dam pas kyang bdag nyid chen po 'di la bla brang rin chen sgang dang / sengge sgang la gtogs pa'i khang zhing dang sa cha thams cad gnang bar grags shing / khyad par du yang gdung brgyud gzhan la med pa'i 'phags pa'i dbu zhwa/ shel dam gling drug ma/ ti shrI kun blo'i shel dam/ 'gro mgon phyag na'i gser dam 'khor dang bcas pa thams cad bdag nyid chen po 'di la yod par bshad cing / gzhan yang bla ma 'di ni 'jig rten gyi bya ba la thugs mi 'jug par thugs dam kho na la thugs gzhol ba dang / khyad par sbyor ba yan lag drug pa la mnga' brnyes pas spos zhal la phyag phreng gi rjes dod pa la sogs pa grub pa'i rtags mang du bstan cing / gzhan phan dang