[A:221b]thugs dam la rtse gcig pa'i sems dpa' chen por bzhugs pa'i ngang nas dgung lo bdun cu pa sa pho spre'u'i lo hor zla gsum pa'i tshes brgyad la me tog gi char la sogs pa ngo mtshar ba'i ltas du ma dang bcas te g.yas ru srin po ri'i rnam rgyal sgang gi gzims khang dmar mor sku mya ngan las 'da' ba'i tshul bstan to/ /de ltar dbang grags pa rgyal mtshan gyis btsun mo gnyis khab tu bzhes pa la sras sku mched gsum 'khrungs shing / yang stag tshang gdung rabs las btsun mo gnyis pa ma gcig sras 'dren la lcam sring gnyis dang / tho ji dpon mo bya ba'i btsun mo gcig bzhes pa la byang sems bsod nams rgyal mo bya ba 'khrungs pas/ dbang grags pa rgyal mtshan la btsun mo gsum byung ba dang sras lcam sring 'khrungs par yang bshad do/ /gang ltar yang dbang grags pa rgyal mtshan gyi sras dbang rnam sras rgyal mtshan du grags pa des btsun mo gnyis khab tu bzhes pa la sras lcam sring bdun 'khrungs te/ btsun mo dang po rta nag ba gru gu ma bya ba la slob dpon chen po kun dga' blo gros rgyal mtshan dpal bzang po zhes bya ba 'khrungs shing / bla ma chen po 'di ni thugs rab shin tu che ba dang / gzhon nu nyid nas dam chos la mkhas par sbyangs/ khyad par rig gnas lnga'i nang nas tshad ma rig pa'i gzhung lugs la gsan sbyong rgya chen po mdzad pas mkhas par mkhyen nas/ bo dong er chos rje bla ma dam pa'i gdan sa la phebs te/ tshogs chos su rgyas pa'i bstan bcos tshad ma rnam 'grel gsungs shing / gzhan yang rta nag phyogs su yang 'gro don dpag med mdzad/ byin