[A:223a]ltar rab tu gsal bas chos 'jig rten gang la yang mkhyen pa rgyas shing / sku ni sgyu rtsal mtha' dag la thogs pa mi mnga' ba zhig yin par grags pa dang / gzhan yang bdag nyid chen po 'di'i ngo mtshar ba'i rnam par thar pa ni/ dgung lo bdun bzhes pa nas rtsa ba'i rgyud brtag pa gnyis pa 'dzin pa'i dbu btsugs pa'i snga dro me tog gi char chen po babs shing / de nas bzung rgyud de nyid sogs gzhung lugs du ma la gsan sbyong rgya chen po mdzad de/ dgung lo bco lnga pa'i dus gdan sa chen por bshad pa mdzad pas/ bdag chen shar pas thog drangs sa skya pa thams cad kyi gtsug gi rgyan du khur te shin tu ngo mtshar du 'dzin pa byung bar grags shing / khyad par bla ma la sri zhu che bas sku gzhon nu thugs kyis mi dran pa'i dus su yang bla ma'i sku 'dra bzhengs nas gsol ba 'debs pa dang / bla ma'i gzims mal gyi 'og tu dbu btsugs nas byin rlabs zhu ba dang / na bza' dbu thog tu 'khur ba dang / rgyang ring por bsu bskyel mdzad pa la sogs pa gus pa'i spyod lam mang du mdzad par bshad la/ dge 'dun la yang thugs shin tu dad pa'i stobs kyis dge 'dun sde long gi phyag dang ldang ba mi bzhes shing / dge 'dun 'dus pa'i yar khyur phebs nas gus pa'i phyag mdzad pa dang / rje rang nyid kyi gsol ja bskol ba'i 'phros nas mang ja phongs med du zhu ba dang / gzhan yang mi phal pas bsgrub par mi nus pa'i che 'gying bcag pa'i spyod lam mang du mdzad ces thos la/ de'i stobs kyis sngar brtsig dbang ye ma byung ba'i lhun po rtse'i rdzong ro yang bdag nyid