[A:222b]grol ba'i lam la bkod pa sogs mdzad pa rgya chen po zhig mdzad nas/ dgung lo zhe drug pa shing pho byi ba'i lo hor zla dang po'i nyer gnyis kyi tshe rnam rgyal rtser ngo mtshar ba'i ltas du ma dang bcas zhi bar gshegs pa'i tshul bstan cing / bla ma 'di la sku'i sring mo lnga byung ba'i dang po ni/ ya 'brog du yar bya ba la khab tu gnang / gnyis pa slob dpon ma khyed 'dren zhes pa ngam ring du si tu rnam rgyal ba la gnang bar grags la/ gsum pa ni slob dpon ma kun dga' 'bum bya ba/ bzhi pa ni slob dpon ma lha rin dang / lnga pa slob dpon ma nam mkha' 'bum zhes bya ba rnams te/ de dag ni dbang rnam sras rgyal mtshan gyi sras lcam sring bdun po rnams so/ /de ltar bdun gyi nang nas dbang nam mkha' legs pa'i rgyal mtshan zhes bya ba des btsun mo gnyis khab tu bzhes pa la sras lcam sring brgyad 'khrungs te/ de yang btsun mo dang po ya 'brog pa dpal chen bya ba la lcam gnyis 'khrungs pa'i che ba yang 'brog stag lung pa la khab tu gnang / chung ba rgyal mkhar rtser gnang bas chab srid phun sum tshogs par byung bar grags shing /
nam mkha' rgyal mtshan dpal bzang po/
btsun mo gnyis pa mi nyag ma se he ru ka bya ba'i tsha mo ma gcig btsun ma skyid bya ba la/ sras dbang nam mkha' rgyal mtshan dpal bzang po dang / lcam mo slob dpon ma chos skyong bu 'dren la sogs pa sras mo lnga ste lcam sring drug byung ba'i nang gi sras dbang nam mkha' rgyal mtshan dpal bzang po ni/ yab dgung lo so bdun pa shing mo yos lo 'khrungs te/ 'di ni sku lha'i cha byad/ gsung ka la ping ka ltar shin tu snyan pa dang / thugs nyi ma'i 'od