[A:223b]chen po 'dis bslangs shing / gzhan yang bla ma 'di la rgya yul du rgyal blon kun rna thos bde mo med skabs kyang / rgyal po chen pos sngar yab la ji ltar gnang ba bzhin gyi dbang gi mtshan dang / las kha/ lung bzang po dang / gser chas khyad 'phags/ dbang gi skya chas tshang ma 'bul ba stobs che ba dang bcas pa nyes med du phyag tu 'byor ba dang / mdor na dam pa de nyid sku tshe ring na bstan pa'i zhabs tog dang / 'gro ba mang po'i don rgya chen po mdzad pa'i thugs bzhed dang ldan pa zhig yin na'ang snyigs ma'i sems can gyi bsod nams kyi khyon du ma shong par/ dgung lo nyi shur phebs tsam chu mo lug gi lo hor zla dang po'i tshes bcu gnyis kyi nub mo bla ma'i phyogs su dbu bsgyur ba la sogs pa mos gus rtse gcig pa'i ngang nas pho brang chen po lhun po rtser sku zhi bar gshegs pa'i tshul bstan to/ /
nam mkha' rgyal mtshan/
de ltar dbang nam mkha' legs pas btsun mo gnyis khab tu bzhes pa la lcam mo bdun dang sras dbang nam mkha' rgyal mtshan dpal bzang po 'di nyid de brgyad byon par stag tshang ba'i gdung rabs las 'byung ba yin la/ gtsang byams pas mdzad pa'i gdung rabs las/ dbang nam mkha' legs pas btsun mo gcig khab tu bzhes zhes dang / de la sras gcig 'khrungs pa zhes sogs gsungs nas/ dbang nam mkha' legs pas btsun mo gcig las ma bzhes par bshad pa dang / btsun mo de la sras dbang nam mkha' rgyal mtshan ma gtogs lcam rnams byung bar ma bshad kyang / 'dir ni stag tshang ba ltar bkod pa yin no/ /de lta bu'i dbang nam mkha' rgyal mtshan