R753: 'dzam gling byang phyogs kyi thub pa'i rgyal tshab chen po dpal ldan sa skya pa'i gdung rabs rin po che ji ltar byon pa'i tshul gyi rnam par thar pa ngo mtshar rin po che'i bang mdzod dgos 'dod kun 'byung / {bod yig glog rdul dpe cha/}
[A:277b]gnas su bzhugs pa 'di nyid yin no/ /smras pa/ 'gro la bde skyid ma lus 'byung ba'i gzhi/ /sangs rgyas bstan pa rin chen skyong ba la/ /la la mkhas pa'i sgo nas bstan pa 'dzin/ /'ga' zhig mthu rtsal nus pa'i sgo nas te/ /la la btsun pa'i brtul zhugs kyis 'dzin cing / /kha cig stobs dang chab srid phun tshogs kyis/ /'dzin par bshad kyang sngon byon bstan 'dzin gyi/ /skyes chen phal la phyogs re ldan mang yang / /gang zag gcig la bstan 'dzin thams cad kyi/ /rnam thar tshang ba sngags 'chang 'di nyid tsam/ /yin par yongs 'dzin dam pa 'di nyid kyi/ /rnam thar
kho bos byas pa'i
ngo mtshar rgya mtshor bltas pas shes/ /zhes kyang rang babs su smras so/ /de rnams kyis dus mchod bla brang pa'i gdung rabs byon tshul mkhas pa'i dbang po dkon mchog lhun grub kyi gdung rabs ya rabs kha rgyan las ji ltar 'byung ba bzhin bstan zin nas/ da ni de nyid kyi kha skong cung zad brjod par bya ste/ de la yang gnyis te/ rtse gdong pa'i gdung rabs byung tshul bstan pa dang / dpal ldan sa skya nyid du gdung rabs rgyun mi chad par byon pa'i tshul bshad pa'o/ /dang po la yang tshigs bcad kyi sgo nas mdor bstan pa dang / de'i don cung zad phye ba gnyis las/ /dang po ni/ kun dga' bsam grub btsun mo ma gcig sras/ /kun dga' bde legs bkra shis zhes bya 'khrungs/ /kun dga' bde legs btsun mo bya bzang ma'i/ /sras la 'jam dbyangs bsod nams lhun grub dang / /tshe dbang hor sogs bsod nams rgyal mtshan dang / /'jig rten rgya hor zhes bya rnam gsum