[A:278a]byon/ /'jig rten rgya hor btsun mo stag lung mar/ /sras gsum 'khrungs pa da lta bzhugs 'di'o/ /zhes so/ /gnyis pa de'i don cung zad bshad pa ni/ 'jam dbyangs kun dga' bsam grub kyis btsun mo zhig khab tu bzhes pa la sras 'jam dbyangs kun dga' bde legs bkra shis 'khrungs pa ni/ gzhon nu nyid nas dam pa'i skyes bu mang po las gsan pa ci rigs pa mdzad de thugs dam la brtson par bzhugs shing / rnal 'byor dbang phyug gis rjes su bzung bar yang grags la/ mthar dgung lo bzhi bcu bzhes pa'i tshe bde bar gshegs so/ /bdag chen des bya bzang pa'i sras mo dpal bu khrid bya ba btsun mor bzhes pa la/ da lta dgung lo nga dgu'i steng na bzhugs pa'i 'jam dbyangs kun dga' bsod nams lhun grub dang / gzhon nu la gshegs pa'i tshe dbang hor sog bsod nams rgyal mtshan zhes bya ba dang / 'jig rten rgya hor dang gsum 'khrungs pa de dag gis mdzad pa'i cha rnams ni so so'i rnam thar du blta'o/ /de gsum gyi nang nas gcung 'jig rten rgya hor gyis stag lung pa'i sras mo khab tu bzhes pa la sras gsum 'khrungs pa ni da lta yod pa'i gdung sras sku mched 'di dag go /de dag gis rtse gdong pa'i gdung rabs byon tshul bstan zin nas/ da ni dpal ldan sa skya nyid du gdung rabs rgyun ma chad par byon zhing 'byon par 'gyur ba'i tshul bshad par bya ste/ 'di la yang tshigs bcad kyi sgo nas mdor bstan pa dang / de'i don rgyas par bshad pa gnyis las/ dang po ni/ ngag dbang kun rin btsun mo gdong dga'