[A:278b]ma/ /lha gcig dkar mo legs 'dzom zhes bya'i sras/ /grub pa'i dbang phyug bsod nams dbang po dang / /btsun mo gnyis pa slar yang gdong dga' ma/ /bkra shis dpal gyi bu khrid ces bya'i sras/ /'dzam gling rgyan mchog grags pa'i mtshan can 'khrungs/ /gang de'i btsun mo byang phyogs rgyal po'i lcam/ /lha sras bsod nams rgyal mo zhes bya'i sras/ /'jam dbyangs sprul pa mthu stobs dbang phyug dang / /rgyal sras ngag dbang kun dga' dbang rgyal mtshan/ /yon tan bral yang dam pa'i rigs skyes pa'i/ /sngags 'chang ngag dbang kun dga' bsod nams rnams/ /sngon du byon dang da lta rtag bzhugs pa'i/ /dus mchod bla brang gdung brgyud rim pa ste/ /phyis nas 'byon 'gyur bsam gyis mi khyab pas/ /sangs rgyas bstan pa yar ngo'i zla ba ltar/ /'phel zhing rgyas par 'gyur zhes shes par bya/ /zhes so/ /gnyis pa de'i don rgyas par bshad pa ni/ bstan pa'i nyi ma sngags 'chang ngag gi dbang po kun dga' rin chen bkra shis grags pa rgyal mtshan dpal bzang po zhes bya ba de nyid kyis btsun mo gsum khab tu bzhes pa'i dang po shar gling pa'i bu sring mo ma gcig bsod nams dpal 'dzom rgyal mo bya ba la lha lcam tshe ring bu khrid dang / lha gcig dpal 'dzom rgyal mo zhes bya ba gnyis 'khrungs pa'i che ba ni/ dge bsnyen ma sngags kyi nus pa sogs che zhing / 'gro ba nad gdon gyis gzir ba spyi dang / lhag par rims nad sogs la slob dpon ma 'dis srung ba gnang ba tsam gyis gtan mi 'byung bar grags pa deng sang yang rin chen sgang na bzhugs pa