[A:296b]'bar ba'i dbu thog gi gser thog chen mo sogs 'di thams cad gsar bzhengs su mdzad de kun gyi mig gi bdud rtsir gyur pa mngon sum du grub pa 'di yin la/ bris 'bur gyi sku ngo mtshar can gsar du bskrun pa yang / sngags 'chang chos kyi rgyal po'i gdung rten dngul gdung rin po che/ phyi rten 'bum thang na bzhugs pa/ yum gyi gdung rten/ nyid kyis yab yum gnyis kyi dgongs pa rdzogs thabs su bzhengs pa'i lam zab brgyud pa'i gser sku che chung gnyis/ phru ma'i gtsug lag khang na bzhugs pa'i sngags 'chang chos kyi rgyal po'i 'dra sku rnams gsar bzhengs su mdzad cing / khyad par mgon khang nub na bzhugs pa'i rdo rje nag po chen po lcam dral gyi 'chams sku chen mo ngo mtshar rmad du byung ba 'di gnyis bzhengs par mdzad pa na/ thog mar sku rgyu rnams la phyag nas mdzad pa'i nyin/ mgon po'i sku par glo bur du 'bul mi byung ba sogs thog mtha' bar gsum du rten 'brel phun sum tshogs pa du ma rang 'grig tu byung zhing / mthar phyag nas rgyas par mdzad de mgon khang nub tu bzhugs su gsol ba na/ lo de kho na la sa skya pa'i bstan dgra la la nang 'dzings/ la la tshe'i dus byas/ kha cig la gnas dbyung phog pa sogs dam nyams bstan pa'i dgra bo rnams la rtags mtshan myur du ston par mdzad pa'i byin rlabs dang mthu rtsal gyi mnga' bdag de nyid la sogs pa 'bur du bzhengs pa'i sku brnyan kyang bsam gyis mi khyab cing / bris sku la rdzong lugs kyi lam 'bras brgyud pa gong dkar rdo rje gdan na bzhugs pa'i rgya thang chen mo la 'dra shus gnang ba