[A:318a]bgrod par/ /snying thag pa'i gsol 'debs smon lam bgyis/ /yang nyams len snying po'i byed lugs ni/ /rang skyid sdug legs nyes ci byung yang / /rje bla ma kho na mkhyen snyam pa'i/ /yid kha zhe med pa'i gsol 'debs byas/ /sngar yan kyang 'di bzhin spyad pas legs/ /dus da dung 'di kas don kun 'grub/ /gzhan zab zab chos kyi che ba yin/ /bu dad ldan rnams kyis dgongs par mdzod/ /ces kyang smras pa lags so/ /de rnams kyis lha rigs 'khon sa skya pa ste mtshan mchog gsum dang ldan pa'i gdung rabs byon tshul las/ gdan sa chen po'i bla brang so sor dbang bsgyur ba'i gdung rabs kyi nang nas dus mchod bla brang pa'i gdung rabs rin po che sngar byon pa dang / ma 'ongs pa na 'byon par 'gyur ba'i tshul legs par bstan zin to// //'dir smras pa/ dus gsum sgrib med gzigs pa'i rgyal ba rnams/ /dus mthar bstan 'dzin mchog gi skur bstan nas/ /dus gsum 'gro ba srid las sgrol mdzad pa'i/ /dus mchod bla brang gdung brgyud 'di ngo mtshar/ /khyad par gnas lnga rig pa chos kyi rje/ /bdag nyid chen po sa skya paN chen nyid/ /slar yang skad gnyis smra ba'i tshul 'dzin pa'i/ /sa skya lo tsAr grags der snying nas dad/ /de ltar bstan pa'i bdag po sa skya pa'i/ /ngo mtshar 'phrin las rnam bzhi'i dge mtshan gyis/ /sngon dus rgya mtsho'i gos can ma lus pa/ /khyab ces ljongs 'dir kun kyang gtam tu gleng / /'on kyang bar skabs shig tu bdud sprul 'gas/ /bsam sbyor ngan pas byed 'phrin sna