[A:322a]mdzad cing / bla ma de la sras gsum 'khrungs pa'i nang gi che ba blo gros rgyal mtshan zhes bya bas yab gshegs nas gdan sa yun ring po'i bar du mdzad la/ de nyid kyi rjes su 'jam dbyangs nam mkha' rgyal mtshan zhes bya ba rin chen sgang bla brang pa'i zhal ngo ste/ bla ma 'dis kyang gdan sa yun ring du mdzad cing / de'i 'og tu gzhi thog pa kun dga' dbang phyug ces bya bas gdan sa mdzad/ de'i rjes su bdag chen rgya dkar shes rab rgyal mtshan dpal bzang pos kyang gdan sa yun mi ring ba tsam mdzad de/ /de rjes bdag chen rdo rje 'chang blo gros rgyal mtshan gyis dgung lo sum cu tsam bzhes pa nas/ lnga bcu rtsa gnyis kyi bar bcu phrag gnyis dang nyag ma gnyis tsam gyi bar du gdan sa mdzad la/ de nas bdag nyid chen po sa skya paNDi ta nyid slar yang bstan 'gro'i don la ngur smrig gi bla gos 'chang ba'i dge slong mchog gi tshul bzung ba sa lo 'jam pa'i rdo rje kun dga' bsod nams grags pa rgyal mtshan dpal bzang po zhes bya ba des dpal sa skya'i gdan sa dgung lo bcu gnyis bzhes pa nas bzung / bzhi bcu rtsa dgu'i bar lo grangs sum cu so brgyad tsam mdzad/ de nas sngags 'chang chos kyi rgyal po ngag gi dbang po kun dga' rin chen bkra shis grags pa rgyal mtshan dpal bzang po zhes bya ba bstan pa'i nyi ma chen po de nyid kyi dgung lo bcu bdun du phebs pa nas bzung / drug cu re brgyad bzhes pa'i bar te lo grangs lnga bcu nga gcig tsam gyi bar du gdan sa mdzad nas bstan pa'i me ro rmang nas bslangs shing / de lta bu'i sngags 'chang bla ma de nyid