[A:33a]ma rig la 'khon rig pa'i blo gros can/ /dkon mchog gsum dang sa skyong rgyal po yi/ /dge legs kun dge legs kun ster ba des/ /bag yod ldan pa mkha' la shar ba'i tshe/ /gdan sa'i mchog ste gdan sa'i mchog gyur pa/ /mig pa'i grong khyer grong khyer ser skya ltar/ /lha mi'i phun tshogs phun tshogs 'byung gnas 'di/ /thub pa'i dbang pos chos 'khor legs bskor nas/ /sum stong nyis brgya lnga bcu rtsa gcig tshe/ /bkra shis dge mtshan du mar bcas te bsgrubs/ /zhing mchog 'di na mkhas btsun bzang / /bzang btsun mkhas na 'di mchog zhing / /dpal ldan mthu stobs mchog gi zhing / /zhing gi mchog stobs mthu ldan dpal/ /rgyal ba'i rnam sprul rnal 'byor dbang phyug gis/ /byin brlabs gnas 'di sa yi thig ler gyur/ /'dzam gling 'dzin ma'i khyon gyi dbus/ /dbus kyi rdo rje'i rang bzhin zhing / zhing khams rgya mtsho kun gyi mchog /mchog 'di sa yi snying po ste/ /skye dgu kun la rab dga'i dpal ster ba/ /gang gi byang chub snying po brnyes pa'i gzhi/ /rdo rje'i rang bzhin rdo rje gdan 'di ni/ /rgyal ba rgya mtsho'i byang chub brnyes pa'i gnas/ /ma ga dhA yang 'di las gzhan du ci/ /rin chen sna tshogs 'khrigs pa'i rang bzhin can/ /phyi rol lcags ri'i khor yug dpag yas la/ /dpal 'byor 'du ba'i sgo mang ldan pa 'di/ /blta na sdug dang mtshungs kyi gzhan na min/ /de phyir rdo rje'i rang bzhin mu khyud 'dis/ /ma rungs 'byung po'i gdon tshogs thams cad bcom/ /lus can kun gyi snod tshogs rab tu