[A:33b]bkag /skyes chen bsod nams ldan pa'i bsten byar gyur/ /longs spyod rnam mang ldan pa'i gnas mang yang / /rig pa'i 'byung gnas 'di las gzhan yod min/ /yid 'phrog mdzes pa'i rin chen mang yod kyang / /dgos 'dod 'grub pa bsam 'phel gcig po tsam/ /rtsi bcud du mar ldan pa'i sman ljongs rnams/ /'gro kun bde 'gro kun bde'i gnas bzang ltar/ /bkra shis rtags mtshan brgyad kyis spras pa la/ /dmar ser 'od kyis rgya chen 'dzin ma'i khyon/ /rnam par gsal byed mdzes pa'i me tog rnams/ /dri zhim dri ngad phyogs bcur 'phro ba'i rtser/ /sbrang rtsis dregs pa bung ba gzhon nu'i tshogs/ /dga' ba'i dar dir sgrogs shing gnas pa ni/ /'jam dbyangs mchod phyir lha yi sprul pa snyam/ /de phyir rgyal dang rgyal sras de sras kyis bsten cing / /rig pa'i gnas lnga phul byung rnams kyi bsti gnas pa/ /ngur smrig gos mchog 'dzin pa rnams kyi dga' tshal te/ /gdan sa mchog 'di byang chub snying po yin lags drang / /zhes bla ma chen po'i bsti gnas dam pa dpal ldan sa skya'i chos grwa chen po la bsngags pa dbang po'i nyer 'tsho zhes bya ba las ji ltar 'byung ba bzhin bsngags pa cung zad brjod zin nas/ da ni brtse ba chen po de nyid las bstan pa 'dzin pa'i rgyal tshab dam par gyur pa'i gdung sras byon tshul bshad par bya ste/ de yang bla ma de nyid kyis btsun mo gnyis khab tu bzhes pa las/ yul tsha mor rong pa rigs rje btsan sku mched gnyis kyi thog mar chung ba khab tu bzhes pa'i ming jo lcam phur mo bya ba/ de la sras gcen kun dga' 'bar bya ba sa