[A:35b]la/ de'i don rgyud sde nas ji ltar bshad pa'i kun 'dar dang / kun du bzang po'i spyod tshul bzhin du spyod pa'i rnam sprul du ma brnyes pa yin no/ /slob ma'i tshogs dpag tu med pa la gsang sngags dang mtshan nyid kyi chos gang la gang dgos gsungs pa dang / khyad par du tshad ma rnam nges chos mchog dang bcas pa la shin tu mkhas shing / de'i dus su na bza' sbu gu can bzhes pa la lung rig 'di bas mkhas shing rtsod pa bzang ba med par grags so/ /rtsom pa legs bshad kyi phreng ba gsar du mdzad pa yang sa skya pa chen po la bstod pa dang / lam 'bras brgyud pa'i gsol 'debs 'brel mar yod pa/ rgya sgom tshul khrims grags la springs pa/ slob dpon cha pa la bstod pa/ rgyud sde spyi'i rnam gzhag brtag gnyis kyi rnam bshad nyi ma'i 'od zer/ brtag gnyis kyi sa bcad/ sambu Ta'i 'grel pa gnad kyi gsal byed/ de'i sa bcad/ rab byed gnyis pa'i TIkka dpal kye rdo rje'i mngon rtogs rgyas pa/ dbang chu chen mo/ zhi ba'i sbyin sreg rab gnas bzang po drug pa/ bdag med ma'i dbang gi tho yig ste man ngag lugs kyi skor ro/ /Dombi he ru ka'i lugs kyi dkyil 'khor gyi cho ga sbyin sreg gi cho ga'i TI ka ste 'grel pa lugs kyi skor ro/ /sgrub thabs mtsho skyes kyi TI ka dkyil chog nas gling ma ste mtsho skyes kyi skor ro/ bde mchog dril bu pa'i mngon rtogs chung ngu / bde mchog dril bu pa'i dbang gi bya ba'i TI ka bde mchog lU yi pa'i mchod phreng / gtsug tor rnam rgyal gyi rtog pa gnyis kyi TIka rtog pa gnyis ka'i sa bcad/ rdo rje gdan pa'i chos