[A:4b]pa'i dbyangs nyid gdul bya gzhan gyi ngor 'od gsal gyi lha'i rigs su sprul pa ni/ gnam lha spyi ring g.yu ring g.yu se ste mched gsum du grags pa mi yul du babs pa la mi'i rje zhus pas/ gnam lha chung ba g.yu ses mi rje mdzad pas/ /sras se byi li spun bzhir grags pa byung / de dag gis ldong rus chen bco brgyad dang 'thab/ de'i grogs la gnam lha bar pa g.yu ring gis byon te ldong btul nas bran du byas/ bar pa g.yu ring 'dis dmu'i bu mo dmu za ldem bu khab tu bzhes pas sras ma bzang spun bdun du grags pa byung zhing / de ltar bdun gyi gcen drug yab dang bcas pa lha yul du gshegs/ bdun pa ma sang spyi rje bya ba des mi yul du bzhugs nas thog lha 'od can gyi bu mo thog lcam 'ur mo khab tu bzhes pa la sras thog tsha dpa' bo stag tu grags pa 'khrungs te/ des klu'i bu mo klu lcam bra ma khab tu bzhes pas klu tsha stag po 'od can bya ba sras su byung / de yan chad bar snang la bzhugs par bshad cing klu tsha des mon bza' mtsho mo rgyal khab tu bzhes pa la sras gcig g.ya' dang spang gi mtshams su skyes shing / 'di 'dra re re tsam yin zhes grags pas mtshan yang g.ya' spang skyes gcig tu btags/ 'di nyid kyis g.yas ru shangs kyi nub byang na byang ri kun las mtho zhing mdzes pa cig yod pa'i ri de la gnas bcas pas ri de la yang g.ya' spang du grags so zhes pa de rnams kyis lha'i gdung rabs bstan zin to/ /'dir smras pa/ lha yi mchog rje btsun 'jam dpal gyis/ /gzhan ngor gzhan don dbang gis sprul pa'i skur/ /legs byon legs par bshad