[A:5a]pa'i ngo mtshar gtam/ /'di 'dra 'di zhes gang gis smras de mdzes/ /bar skabs kyi tshigs su bcad pa'o// //spyi don gnyis pa dri med 'khon gyi gdung rabs bshad pa la yang tshigs bcad kyi sgo nas mdor bstan pa dang / de'i don rgyas par bshad pa gnyis las/ dang po ni/ sa skya pa'i gdung rabs ya rabs kha rgyan las/ gong du drangs pa'i g.ya' spang skyes byon pa'i tshul bshad pa'i rjes de ma thag par/ gang des srin po skya rengs khrag med ni/ /bsad nas chung ma g.ya' 'brum si li ma/ /phrogs te nyid kyi khab tu bzhes pa las/ /sras gcig byung ba 'khon par skyes zhes grags/ /de dang btsan bza' lcam bu sgron gyi sras/ /gzugs mdzes blo ldan mi yul dkon pa 'khrungs/ /de la dkon pa rje gung stag ces btags/ /'khon ston dpal po cher grags gnyan rtser byon/ /dpal po che dang glang bza' ne chung sras/ /khri mdzes lha legs tshe lha dbang phyug dang / /mkhas mchog klu yi dbang po tshe 'dzin bzhi
/gdung rabs ya rabs kha rgyan 'dir bshad pa ltar/ 'khon dpal po che la sras bzhi byung pa'i lugs dang / klu'i dbang po dang rdo rje rin chen te sras gnyis byung ba'i lugs srol mi 'dra ba las/ kho bo ni phyi ma'i rjes su 'brangs pa ste rgyas bshad 'og nas 'byung ngo /
/tshe 'dzin sras ni rdo rje dkon mchog lhun grub kyi gdung rabs tshigs bcad ma 'di sogs gdung rabs 'ga' zhig las/ 'khon rdo rje rin chen tshe 'dzin gyi sras su 'dod pa ni/ rje btsun rin po ches sa skya pa chen po'i rnam thar du yi ge pas ma dag pa'i skyon byung ba bzhin gyi rjes su 'brang ba yin la/ rdo rje rin chen klu'i dbang po'i gcung du 'dod pa rnams ni/ rje btsun gyis mdzad pa'i 'khon gyi gdung rabs dang / ga ring rgyal po'i rtsis bsdur gyi yi ge