R753: 'dzam gling byang phyogs kyi thub pa'i rgyal tshab chen po dpal ldan sa skya pa'i gdung rabs rin po che ji ltar byon pa'i tshul gyi rnam par thar pa ngo mtshar rin po che'i bang mdzod dgos 'dod kun 'byung / {bod yig glog rdul dpe cha/}
[A:5b]sogs khungs thub kyi yig cha dag pa du ma'i rjes su 'brangs pa yin te/ kho bo cag ni rjes 'brangs phyi ma nyid gtso bor bzung ngo /
rin po che/ /gang de'i btsun mo 'bro bza' g.ya' lon skyid/ /de la 'bro tsha mched bdun byon pa las/ /gzhan rnams yul phyogs so sor 'gro don mdzad/ mtha' ltag shes rab yon tan grom par byon/ /de nas yon tan 'byung gnas tshul khrims rgyal/ /gtsug tor shes rab dge skyabs dge mthong dang / /'khon ston bal po shAkya blo gros rnams/ /rim bzhin snga ma'i rigs sras phyi ma yin/ /shAkya blo gros sras gnyis che ba'i mtshan/ /shes rab tshul khrims dkon mchog rgyal po gcung / /gcen po yan chad gsang sngags snga 'gyur mdzad/ /ces so/ /gnyis pa de'i don rgyas par bshad pa la/ g.ya' spang skyes zhes grags pa'i dpa' bo chen po des/ srin po skya rengs khrag med ces bya ba la chung ma g.ya' 'brum si li ma zhes bya ba shin tu mtshar ba cig yod pas/ srin po dang 'thab rol byas/ khyo bsad/ chung ma khab tu bzhes pa la sras gcig 'khrungs pa/ lha dang srin par 'khon pa'i bar du byung bas g.ya' phrug 'khon bar skyes su btags/ gdung brgyud 'di la 'khon gyi mtshan yang de nas byung ste shAka rigs bzhin no/ /yum sras de gnyis gnas pa'i g.ya' spang gi nub byang na gangs ri'i phreng ba chen po'i nang na shin tu mdzes shing mtho ba shel tsha rgyal mo'i gangs su grags pa dang / g.ya' spang gi lho 'gram na sa skya pa'i bla mtsho yang yod do/ /thog mar 'od gsal gyi lha mi yul du babs pa'i tshe yang shel tsha rgyal mo'i gangs de nyid kyi rtse mor babs pa