[A:46a]brten nas lus de ma spangs par phyag rgya chen po mchog gi dngos grub thob tu re ba yin gsungs nas gsang sngags kyi rten 'brel zab mo la rtse gcig tu mdzad de/ gdan sa ni lo nyer drug pa nas bdun cu'i bar lo zhe lnga mdzad ces gdung rabs kha cig las 'byung ba la/ ngo mtshar snang ba las dgung lo bcu gsum pa'i tshe gdan sa mdzad par yang bshad do/ /gang ltar de nas dgung lo bdun cu pa me pho byi ba'i khra zla ba'i tshes bcu gnyis la bde ba can du gshegs so/ /de lta bu'i rje btsun rin po che nyid la slob ma'i tshogs bgrang yas kyang mtshon pa tsam zhig brjod na/ gnas lnga rig pa sa skya pan chen dang / /dbang phyug grags dang bande bshes gnyen grags/ /thugs kyi sras mchog shAkya grags pa dang / /rigs 'dzin grags te grags pa'i mtha' can bzhi/ /de bzhi'i steng du lde ston dkon mchog grags/ /dga' ston rdor grags sras ston blo gros grags/ /'jigs med grags te grags pa'i mi brgyad dang / /smu chu byang grags gtsang ston brtson 'grus grags/ /lha thog yon tan shes rab rin chen te/ /gur rgyan zhus pa'i slob bu rnam bzhi dang / /rtsis 'dul gzhon seng khams kyi 'dzi ston dang / /dbon ston skyer khang jo sras lcags rdor te/ /rigs 'dzin sdom brtson bzhi sogs mang du byon/ /zhes pa ltar ro/ /'dir smras pa/ dbu skyes pad dkar chun po ltar mdzes shing / /bzhin ras bye ru dmar po'i mdangs 'od can/ /gangs ri'i phung po lta bur lhun chags sku/ /dran pa'i mod la dad cing spro ba 'phel/ /gang gi mkhyen pa