[A:102]phyi sgrub dang nang lus la brten pa rnams sbyin zhes dang / sa chen gyi 'byung lugs gtor mar rang nang gi rnal 'byor pa yin na bdag nyid kyi lte ba chos 'byung gru gsum nang du bsdus la bzhag ces gsang rten lus la sba ba'i gnad zab mo zur tsam bstan pa sogs cung zad ma dgongs pa khrid brgya'i nang du/ skyed cing gsed nas phyag bzhi'i srog thig phyung / /gur la'ang 'dra cog yar klungs pa yis sbyar/ /zhes zur za mdzad pa ni rje btsun grol mchog mkhas grub chen po yin yang phyogs 'di la gzigs pa'i spyan dkyus thung bas thugs su ma shong ba'i gsung tsam mo zhes zur za ba mdzad do/ /de yang nang khrid kyi khrid tshul la phyi'i brag rdzong gis bskyed rim dang / nang gsang gis rdzogs rim byas pa'i lugs dang / bskyed rim gong ltar la/ rdzogs rim yar klungs pa lugs kyi nang khrid thun mong bas byas pa'i lugs dang / rdzogs rim thun mong ma yin pa gsang khrid kyis byas pa sogs lugs gsum tsam las dang po ni gong du song zin zin pa dang / da lta'i phyag len la gsum pa song na gnyis pa'ang zhar las 'byung bas rje btsun rdo ring pas sam mkhas grub ngag dbang chos grags kyis mdzad pa'i khrid yig dang thams cad mkhyen pa mkhyen brtses mdzad pa'i khrid yig yid bzhin nor bu la gzhi byas/ yig chung zhal shes sogs kyis legs par brgyan te/ sngon 'gro skyabs 'gro sems bskyed/ yi ge brgya pa/ bla ma'i rnal 'byor/ dngos gzhi rten bskyed pa'i rim pa khrid gzhung du'ang bshad kyang brag rdzong mar rgyas par song bas yang skyor ma dgos/ brten pa