R840: མཁན་ཆེན་ཐམས་ཅད་མཁྱེན་པ་ཆོས་གྲུབ་སེང་གེའི་རྣམ་པར་ཐར་པ་དད་པའི་རོལ་མཚོ་ཀུན་ཁྱབ་སྙན་པའི་བ་དན།

« Title Page

Pagination (Witness A): ༡༤༢ན-༤༧༣

Last Page »

[A:༡༤༢ན-༤༧༣] ༄༅། །ཤས་ཅིག་སྡོད་པ་དེ་ཀ་བྱེད་པས་དེ་ཀའི་རྒྱུ་མཚན་ཕུལ་གསུང་བ་ཕེབས་ཏེ། དར་ཅིག་སྐུ་ཚེའི་འདུ་བྱེད་བྱིན་གྱིས་རློབ་པར་ཞལ་གྱིས་མཆེས་སོ། དེ་ནས་ཧོར་ཟླ་གཉིས་པའི་གནམ་གང་ལ་བྱ་འདུལ་ཆེན་པོའི་སྲས་ཀྱི་ཐུ་བོ་འཇོལ་མོའི་རྒྱལ་མོ་བྱང་ཆུབ་བརྩོན་འགྲུས་ཀྱི་བསྟི་གནས་ཆོས་ཀྱི་བཤད་གྲ་ཆེན་པོ་དཔལ་ཨར་དགེར་ཕེབས། དེར་ཕྱོགས་ཀྱི་བུ་སློབ་རྗེའི་ཞལ་གྱི་དཀྱིལ་འཁོར་ལ་རང་རང་གི་རྣམ་པར་དག་པའི་ཡིད་ཀྱི་མེ་མོང་ལ་མངོན་པར་འཆང་བར་འདོད་པ་རྣམས་ཀྱང་པདྨའི་ཚལ་དུ་འདུ་བའི་བུང་པའི་ཚོགས་བཞིན་འདུས་ཏེ། ཐམས་ཅད་ཀྱི་སྒོ་སྐལ་བ་དང་བསྟུན་པའི་ཆོས་ཀྱི་དགའ་སྟོན་རྒྱ་ཆེན་པོས་ཚིམ་པར་མཛད་དོ། །དེ་ནས་རེ་ཤིག་སྐུ་མཚམས་བཅད་རྒྱ་གནང་ཞིང། ཅུང་ཟད་བསྙུན་པའི་རྣམ་པ་ལ། འཚོ་བྱེད་གཞོན་ནུ་གསོས་ཀྱི་རྣམ་པར་འཕྲུལ་བ་ལྟ་བུའི་འཚོ་མཛད་དཔལ་ལྡན་སེང་གེ། ཀུན་དགའ་རྣམ་རྒྱལ། ཉན་ཁང་འཚོ་བྱེད་པ་སོགས་ཀྱི་གསོལ་སྨན་ཐུན་དགའ་ཤས་ཕུལ་བ་ཙམ་གྱིས་བསྙུན་གྱིས་རྣམ་པ་གཞི་མེད་དུ་དངས་པའི་ཚུལ་མཛད་དེ།

སྐུ་ཚེའི་འདུ་བྱེད་བྱིན་གྱིས་རློབས་པར་མཛད་དོ། །

རྣམ་པར་ཐར་པ་ལ་བསྔགས་པ་དེ་དག་གིས་ནི་རང་ཉིད་ཆོས་ཀྱི་རྒྱལ་སྲིད་ལ་མངའ་དབང་འབྱོར་ནས་ཞིང་འདིར་གདུལ་བྱ་གྲངས་མེད་པ་རྗེས་སུ་གཟུང་ཚུལ་གྱི་རྟོགས་པ་བརྗོད་པ་ཆེ་ལོང་ཙམ་