[A:142a-473] / /shas cig sdod pa de ka byed pas de ka'i rgyu mtshan phul gsung ba phebs te/ dar cig sku tshe'i 'du byed byin gyis rlob par zhal gyis mches so/ de nas hor zla gnyis pa'i gnam gang la bya 'dul chen po'i sras kyi thu bo 'jol mo'i rgyal mo byang chub brtson 'grus kyi bsti gnas chos kyi bshad gra chen po dpal ar dger phebs/ der phyogs kyi bu slob rje'i zhal gyi dkyil 'khor la rang rang gi rnam par dag pa'i yid kyi me mong la mngon par 'chang bar 'dod pa rnams kyang padma'i tshal du 'du ba'i bung pa'i tshogs bzhin 'dus te/ thams cad kyi sgo skal ba dang bstun pa'i chos kyi dga' ston rgya chen pos tshim par mdzad do/ /de nas re shig sku mtshams bcad rgya gnang zhing/ cung zad bsnyun pa'i rnam pa la/ 'tsho byed gzhon nu gsos kyi rnam par 'phrul ba lta bu'i 'tsho mdzad dpal ldan seng ge/ kun dga' rnam rgyal/ nyan khang 'tsho byed pa sogs kyi gsol sman thun dga' shas phul ba tsam gyis bsnyun gyis rnam pa gzhi med du dngas pa'i tshul mdzad de/
rnam par thar pa la bsngags pa de dag gis ni rang nyid chos kyi rgyal srid la mnga' dbang 'byor nas zhing 'dir gdul bya grangs med pa rjes su gzung tshul gyi rtogs pa brjod pa che long tsam