[A:116a-421] / /gnyis kyis yi ge bris pa'i mkhan chen rin po cher bsam don 'grub pa'i gsol 'debs smon lam dang bcad pa cig byed dgos 'dug cig/ de ring khyed rang rnams pa tshos kyang gsol ba 'debs grogs byed dgos par 'dug bka' gnang te/ de ma thag sku sbyongs phrin las so gnyis gnang/ de nas thugs dam rgyun pa grol ba dang nam langs pa mthun/ chos mdzad gnyis dang/ chos rje/ bzhi sde dbu mdzad pa
phyis tshogs kyis mkhan po gnang ba
shAkya rgya mtsho rnams kyis thugs rtsom gnang ba'i phyag bris zhus dag mdzad pa las 'di ltar/ rab 'byam rgyal ba sras bcas thams cad kyi/ /mkhyen brtse'i 'byor ba ma lus gcig bsdus nas/ /shAkya seng ge'i bstan pa'i dpal gyur pa'i/ /gnas brtan sprul pa'i sku la gsol ba 'debs/ /dus min 'chi sogs 'gal rkyen kun bral zhing/ /bstan dang 'gro ba'i don la brtson pa yis/ /sangs rgyas dgyes pa'i spyod pas dus 'da' ba'i/ /bsam sbyor lhod pa med par byin gyi rlobs/ /chos brgyad srid pa'i sgrog gis mi 'ching zhing/ /zhi bde dman pa'i g.yang sar mi 'chel bar/ gzhan don khur chen ngal ba med pa yi/ sa lam myur du bgrod bar byin gyis rlobs/ bdag dang 'khor 'das dge ba ma lus pa/ 'khor gsum dmigs pa med