[A:116b-422] / /pa'i bsngo ba yis/ /mar gyur mtha' yas 'gro ba kun gyi phyir/ /bla med byang chub thob par byin gyis rlobs/ /bslu med dkon mchog gsum gyi bden pa dang/ /dpal mgon chos skyong bsrungs ma'i byin rlabs dang/ /bdag gi lhag bsam rnam par dag pa'i mthus/ /ji ltar smon pa bzhin du 'grub gyur cig//dkon mchog rin chen gsum gyi bden pa dang/ /dkar phyogs dge ba'i mthu dang nus pa yis/ /rgyal ba'i bstan 'dzin rab 'byor seng ge yis/ /tshe rab kun du rjes su 'dzin gyur cig/ /zhes pa mang por spel nas nyin gang dpon slob rnams kyis gsol ba bdebs pa rtse cig gcig mdzad/ sang nyin bteg/ nags khrod cig du gsol ba gnang ba'i rtsis/ gsol g.yog pas me rdo lus pa la rten me la byung ba'i dus/ bka' las/ khyod rang rjes su shog shog ces pa'i zhabs phyir phyin pa na/ chos gos 'di gzung gsung sku bsangs pa'i mthar/ rdo zhig zhabs kyis phul te/ 'di la me rdo e thub ltos phebs/ bltas pas shel lta bu'i me rdo ya mtshan pa cig byung bas me sbar/ der gsol ba gnang ba la bzhugs tsa na/ mi dmar po mdung thung khyer ba zhig byung ba la/ gang nas phyin rtsad chod/ mi