[A:118a-425] / /reg gam gtam du brjod pa tsam gyis kyang/ /rnam pa kun du 'gro ba phan byed cing/ /bde dang ldan pa rtag tu byed gyur cig//ces pa'i smon lam gyi 'brel ba 'jog pa mdzad pas/ phyis bdag gis thams cad mkhyen pa'i bsnyen rdzogs kyi mkhan por phyin pas bstan pa la phan par ma zad/ blo phag ltar bluun pa'i 'gro ba de dag gi yul du smon lam gyi 'brel ba bzhag pas 'gro ba'i don rgya chen po 'grub pa yin/ zhes bka' stsal/ de nas rim pas thebs pa'i bang rim cho sde'i 'phrang la thegs dus/ chibs drel rnams la skor ba dang/ dpon slob rnams zhabs thang gis 'phrang la phebs pa'i tshe/ g.yang 'jigs su rung ba thog tshad nyi shu tsam yod pa'i brag g.yang gi 'og thams cad gtsang po'i rbal klong 'khrug pa'i brag gi gra zur la shing zam mda' gcig ma btang ba'i zam pa gcig las mi 'dug pa la thegs ma zhus par chibs len pa sogs kyi the tshom du yod pa'i tshe/ khye'u gzhon nu lo bcu bdun lon pa'i gos dmar po gyon pa'i 'khor gsum btags pa cig na re/ bdag bya dkar mo'i sgro las gtsang ba yod/ dpon slob thegs ma thub na/ bdag gi bla ma nyid gdan 'dren zhus na yong zer ba la/ thams cad the tshom yod kyang/ khyod kyis ming la ci zer dris pas/ bdag gi ming kun dga' rgyal po zer/ khyod dpon slob thegs bzhud pa/ 'phrang 'di ding sang gi dus