[A:118b-426] dus gzings khol pa'i rnam pa langs nas bdar yod pa/ 'di kar goms pa rnams rkang zam la thar 'ong te/ dpon slob rnams thugs ma goms pa mi thar srid snyam bdag gis zhabs 'degs la yongs pa yin zhes zhus pa/ de ka ltar bgyi'o zhes bka' gnang te/ rje drung nyid kho bos gdan 'dren zhus rjes dpon slob rnams kyang the tshom med par byon cig zer ba ltar/ phyag phyi ma thams cad kyis shar gyis byon pas nyen med par sgrol zhing/ khos kyang chibs pa mi chibs bar du spyan drangs pa te mchod rten cig gi rtsar sku ngal bsos/ 'di nas bdag gis phyin na yul 'di tsho 'tshub pas cir 'gyur mi shes/ dpon slob la skyon mi 'ong bdag phyir log 'gro zhes phyag 'bul byas/ drin lan gyi tshul du spos shel/ byu ru/ mu men sogs kyi lag tse skor cig gnang bas/ bdag la gnang sbyin mi dgos te/ byin rlabs rten yin na zhu/ bdag thugs rje'i skyabs 'og nas nam yang 'dor 'tsham zhes phyir log go /mi de zhabs 'bring ba la la na re chos skyong gi sprul pa yin pa 'dra zer ba dang/ kha cig gis pha tshad nas rim pas mi mngon par gyur zer ba sogs gleng dus/ rje drung du zhus pas/ gzhan ci yin mi shes/ nged rang rnams 'jigs pa las sgrol ba la chos skyong gis rgyud bskul ba zhig ni yin par nges bka' gnang/ rje 'di bstan pa ris