[A:122b-434] kho nar son pa lags shes zhu ba gnang / thugs kyi brnag pa bzang po dri ma med pa zla shel dag pa ltar dkar ba'i ra ba mtha' dag yongs su gtams pa'i rnam 'gyur gyi rol pa grangs med par ston pa dang 'bel ba'i bka' mchid kyang zab pa dang rgya che bas/ dgyes dgur rol ba sogs dpe med pa'i ngo mtshar gyi ri mo mtha' yas pa las kyang ches mtha' yas pa'i bkod pa mchog tu gsal ba'i dpal yon gyis/ bdag cag tha mal pa rnams kyang 'jig rten 'di'i snang ba nub ste/ 'og min nam/ bde ba can nam/ ka lA sa'i grong gi zhing rnams dag pa'o snyam pa'i dag pa'i snang ba dang ldan par gyur to/ /de nas nyin re bzhin yab sras mjal ba'i lta bu'i dgyes pa mu med pa sogs chos bzhin pa'i 'byor pa zla med pa'i dpal la spyod bzhin pa'i ngang nas myos ldan zhes pa me mo phag lo chu shel gyi dbang po rgyu skar rgyal gyis nya ba'i phyogs phyi ma'i lang tsho gsar ba ngoms pa'i tshe/ mkhas grub du mas zhabs kyis bcags pa'i bsti gnas dpal rnam thos gyi ri bo'i lha zhol rtse lha sgang zhes yongs su grags pa de nyid kyi yang dben bsam 'phel dbang po'i tog gi gtsug lag khang du/ lha dang bcas pa'i 'gro ba thams cad kyi gtsug gi nor bu dpal ldan