[A:123a-435] / /bla ma dam pa'i 'di nyid kyis mkhan po dang/ rje karma phrin las pas las kyi slob dpon/ chos rje sgam po mkhan chen pas gsang ste ston pa/ bla ma bkra shis bzang gis dus sgo ba/ phyis tshogs kyi gdan sa ba 'dul ba 'dzin pa rin chen bkra shis pa dang/ rab 'byams shAkya rgya mtsho ba sogs kyi las kyi kha skong ba mdzad de dad pa'i dge 'dun grangs tshang ba'i dbus su/ 'das pa'i sangs rgyas gzhan phan rnam rol/ ma 'ongs sangs rgyas drug pa seng ge/ da ltar rgyal ba'i dbang po karma pa zhes lha dang bcas pa'i 'gro ba kun gyi gtsug rgyan gcig pu rgyal dbang mi bskyod rdo rje nyid snyigs ma'i dus kyi rgyal ba'i bstan pa rin po che la bla lhag par dgongs te/ skal ba mchog tu gyur pa'i gdul bya rnams kyi bsam pa dang mthun par bsnyen par rdzogs pa gleong / gleng mol gi dngos por mdzad de mtshan yang/ chos grub grags pa phyogs thams cad las rnam par rgyal ba'i dpal bzang po zhes gsol te/ de dus dgun nyi thung ba'i dus yin rung/ de nyin gyi rnam par dkar pa'i mdzad pa'i yun dang sbyar na dbyar nyi ma ring ba'i dus su'ang mi rdzogs par nges pas/ nyi ma thung ngu shin tu ring po'i skye bo kun gyi thun mong ngo mtshar bar mdzad pa'i tshul cho 'phrul bsam gyis mi khyab pa sogs bkod